كيكة الكيوي

كيكة السنافر

makroud

ـ غرس مرحي و معجون بالزهر و الزبدة ذايبة اللي يحب يعمله القرفة و القرنفل انا نفظل وحده احسن
ـ كيلة زبدة ذايبة (انا نستعمل لابل)
ـ زوج كيلات سميد عادي
نبسس شوية السميد ثم الملح و نبلل بماء الزهر
و نخدم عادي و الصور توضح ذلك
ملاحظة ساعات كاين سميد اللي ميشربش ليدام في هاذ الحالة زيديلو الفرينة بالشوية حتى يتلم














 

الزلابية الجزائرية

المقادير
3 فنجان فرينة
1 فنجان سميد
2 ملاعق كبار سمن ذايب
2 ملاعق كبار زيت
2 ملاعق كبار سكر عادي
نصف ملعقة صغيرة خميرة تع خبز
شوية ملح و ماء دافي
الطريقة 
نخلط المقادير الجافة اولا مع بعضها ثم نضيف السمن و الزيت

ومبعد نزيد الماء غير بالشوية ونحرك حتى تتحل الكويرات اللي فيها ونتحصل على قوام متجانس

وهذي صورة اخرى توضح قوام العجينة


خليها ترتاح حوالي 5 دقائق ثم افريغها في القمع الخاص بالزلابية انا مثلا نديرها بكيس الحليب العادي نفرغ فيه العجينة ونعمل ثقب بالمقص حسب السمك اللي تحبي و في زيت ساخن نشكل الزلابية كيما نحب و لما نخرجها نحطها مباشرة فالعسل الساخن و هكذا نحصلوا على زلابية من عمايل ايدينا

الكاوكاوية

1ـ كيلة سكر
1ـ كيلة كاوكاو محمص (نقسم الحبة على 2)

نحط السكر على نار هاااادية جدا و نحرك دون توقف





حتى يولي سائل بهذا الشكل ولونه شفاف يعني ردي بالك يتحرقلك



نضيف عليه الكاوكاو طبعا بعد ما يذوب السكر



مع مواصلة التحريك بسرعة



ثم نفرغه فوق بلاطو مدهون بالزيت و نحاول نسويه مليح نعمل السمك اللي نحب و نقطع بالسكين الشكل اللي تحبيه

مادلان رائع

المقادير
3 بيض
100غ سكر
1 فني
ربع كاس زيت
مبشور و عصير حبة ليمون
1 خميرة 
125غ فرينة 
الطريقة
نطلع البياض مع رشة ملح حتى يولي مثل الثلج و نخليه على جنب


ناخذ الصفار+السكر+لافني ونخلط بالباتور ثم نظيف الزيت+مبشور و عصير الليمونة و نزيد نخلط



نخلط الخميرة مع الفرينة


و نظيفهم للخليط تاع البيض و نحرك 



ثم نظيف عليهم بياض البيض المضرب و نخلط غير بالشوية بحركة دائرية



و نصب فالاكياس الورقية فوق النصف شوية و ندخلهم فرن ساخن مسبقا على درجة حرارة 180 د



و تزينيه حسب الذوق و هنا نحب نشكر الغالية ياسمين على طريقة نيستلي جا روووعة دهنت بيه الوجه و دردرت حبات الشوكولاطة من الفوق و هناك طرق عديدة لتزيين المادلان راح نحاول مرة على مرة نحط طرق جديدة

خبز الهمبرغر

  

المقادير:
4 كيسان و ربع فرينة
1 كاس و 3ارباع ماء دافئ
ربع كاس زيت
25 غ زبدة ذايبة
2ملاعق كبار خميرة
2ملاعق كبار سكر
1ملعقة صغيرة خميرة كيميائية
2 ملاعق كبار حليب بودرة
ملح
التحضير:
نحط الفرينة 3 كيسان و ربع و نخلي كاسو نحط معاها الملح
و في خلاط العصير نحط كاس الفرينة المتبقي +2ملاعق خميرة+1 ملعقة صغيرة خميرة كيميائية+السكر+حليب البودرةمع مقدار الماء الدافئ و نخلط جيدا تقريبا نصف دقيقة حتى تندمج المكونات ملاحظة نقدر نستغنى عن الخلاط و نخلطهم فقط بالفوي


نفرغه فوق الفرينة و نبدا نعجن بشكل جيد


نضيف الزيت و الزبدة و نعجن مجددا



حتى نتحصل على عجينة ملساء و لينة نوعا ما


نشكلها عادة كل قطعة فيها 120 او 125 انت و الحجم اللي تحبي
نحطها في بلاط مدهون ونخليها تخمر حوالي نصف ساعة او اكثر ندهنها بالحليب و نرش الجلجلان


حقيقة تجي طرية جدا شوفي كيفاش